Beta Kira Kalapa Sarambu.

Par satu kali bagini Etus dang Maku ni dong dua pi nai kalapa kebetulan hari itu buka sasi basar, jadi dong dua pagi-pagi lai su siapkan bakal for pi nai kalapa, maku ni sadiki nona lai jadi dong pi matahari su tinggi, sampe di dusung bagini terjadilah dialog antara Etus dan Maku mengenai dong dua pung kegiatan hari itu.:
Etus : Maku e ose nanti biking bersi dusun saja nanti beta yang naik kalapa,
Maku: ao seng bisa macam begitu beta jua mau nai lai, ale kira beta ni parampuang ka.
Etus: bukang bagitu Maku, pohong-pohong kalapa ni samut banya
Maku : ao samut saja mo, beta rams sakali mati
Etus :  io sudah tapi ale nai yang randa-randa saja e.
Maku: io mantap nanti kalu beta su mau nai beta bilang ale la katong dua baku taru sapa yang banya kasih jatu kalapa.
Etus : ator saja nyong gogos ee,
Etus nai dia pung kalapa capat-capat dia su istrahat yo Maku ada tahai deng dia pung kalapa la suru Etus hitung barang samut ada bala dia di atas pohong.
Maku mulai kasih jatuh  kalapa Etus hitung " satu sambil biking tali for dia pung kalapa Etus hiting tarus dua, tiga, ampat, tiba tiba Etus dengar kaya suara Jatuh ni basar Etus yakin ini Etus kalah karna yang jatuh ni pasti sarambu, Etus bataria Maku ee Sarambu.....Maku balas Etus eee tolong beta samut papar beta sampe beta satana ni eeeee,  Etus lari capat-capat ka bawa pohong yang Maku jatu la Etus bilang Maku e beta kira ale for kalapa sarambu pada hal samut papar ose tua ka... hahahahaha